Raddir Íslands – Voices of Iceland
Einstök heimild um íslensk þjóðlög og þjóðdansa.
Á þessum glæsilega mynddiski koma fram helstu þjóðlagatónlistarmenn Íslendinga og kveða rímur, syngja tvísöng, flytja
barnagælur og þulur ásamt sálmalögum og druslum. Á meðal þeirra sem koma fram eru Steindór Andersen, Diddi fiðla, Bára
Grímsdóttir, Ása Ketilsdóttir, Örn Magnússon og Sigursveinn Magnússon, Marta G. Halldórsdóttir, Ólína
Þorvarðardóttir og margir fleiri. Þjóðdansahópurinn Sporið sýnir bæði sagnadansa, vikivaka og „gömlu dansana“.
Bæklingur á íslensku og ensku um íslenska þjóðdansa og þjóðlagatónlist fylgir mynddiskinum. Þú getur hlaðið
niður bæklingi mynddisksins með því að smella á myndina hér til hægri.
Bæklingurinn hefur nú verið þýddur á frönsku, þýsku, pólsku, dönsku, spænsku og ítölsku. Hægt er að hlaða niður bæklingnum á þessum tungumálum með því að smella á viðeigandi þjóðfána.
Hér er á ferðinni diskur sem sýnir glögglega þverskurð af íslenskri þjóðlagatónlist og þjóðdönsum
síðustu alda auk þess að vera einstök heimild um stöðu þjóðlagatónlistar á Íslandi í upphafi 21. aldar.
Útgáfunni stjórnaði Gunnsteinn Ólafsson en kvikmyndun var í höndum Dúa J. Landmark.
Panta má diskinn með því að senda tölvupóst á setur@folkmusik.is. Mynddiskurinn kostar kr. 4.990 kr. (3.990 fyrir félagsmenn
Þjóðlagaseturs), sendingarkostnaður er innifalinn . Vinsamlegast leggið inn á reikning Þjóðlagaseturs (kt. 621299-2989) í Sparisjóði
Siglufjarðar 1102-26-621.
