Ůjˇ­lagasetur sr. Bjarna Ůorsteinssonar

Töluvert er til af íslenskum danskvæðum frá 15. og fram á 19. öld. Rannsóknir hafa verið gerðar á dönsunum sjálfum en minna er vitað um tónlistina og

Voces Thules

Töluvert er til af íslenskum danskvæðum frá 15. og fram á 19. öld. Rannsóknir hafa verið gerðar á dönsunum sjálfum en minna er vitað um tónlistina og hvernig hún var flutt. Voces Thules-menn hafa síðustu misseri sett danslögin í þann búning sem þeir telja að nálgist upprunanlegan flutningsmáta þeirra. Þeir hafa kynnt sér rannsóknir og skráningu heimilda um dans, danstónlist, dansleiki og hljóðfæri fram að lokum 17. aldar. Margt bendir til þess að dans hafi verið iðkaður með líku sniði hér á landi allt frá 13. öld fram á þá 18., m.a. í tengslum við hátíðir kirkjuársins, einkum á kaþólskum tíma.

Sönghópurinn Voces Thules kom fyrst fram í ágúst 1991. Í upphafi fór mest fyrir miðalda- og endurreisnartónlist frá meginlandi Evrópu og Bretlandseyjum á efnisskrá hópsins. Fljótlega bættist við ný íslensk tónlist, m.a. eftir Hjálmar H. Ragnarsson, John Speight, Jónas Tómasson, Oliver Kentish og Jón Nordal. Á Listahátíð í Reykjavík 1998 flutti sönghópurinn Þorlákstíðir, eitt merkasta tónlistarhandrit þjóðarinnar. Eftir þá tónleika hefur hópurinn æ meir snúið sér að íslenskri miðaldatónlist, aðallega kirkjutónlist úr handritum en einnig veraldlegum kveðskap úr fornritum. Lögin sem hópurinn syngur við kvæðin eru fornnorræn og löguð að viðkomandi kvæðum. Einnig hefur Voces Thules endurskapað stef út frá miðaldahljóðfærum sem þekkt voru á Íslandi á miðöldum.

Voces Thules skipa:

Eggert Pálsson, rödd, flautur, pípur, slagverk
Einar Jóhannesson, rödd, skálmpípa, slagverk
Eiríkur Hreinn Helgason, rödd, slagverk
Guðlaugur Viktorsson, rödd, lýra, slagverk
Sigurður Halldórsson, rödd, symfónn, langspil, slagverk
Arngerður María Árnadóttir, rödd, orgel
 

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3212.jpg

Framsetning efnis

moya - Útgáfa 1.13 2009 - Stefna ehf