Ůjˇ­lagasetur sr. Bjarna Ůorsteinssonar

Söngdagskráin Villifé fjallar ekki um villtar sauðkindur eins og sumir kynnu að halda heldur fjallar hún um ást í samræmi við einkunnarorð

VillifÚ



Söngdagskráin Villifé fjallar ekki um villtar sauðkindur eins og sumir kynnu að halda heldur fjallar hún um ást í samræmi við einkunnarorð þjóðlagahátíðarinnar á Siglufirði 2014 – Ég elska þig! Sungið verður um ástina í öllum sínum fjölbreytileika í blíðu og stríðu – aðallega stríðu. Þetta er saga af tveimur pörum sem bæði unnast heitt. Farið verður í gegn um ástir þeirra og örlög frá upphafi og  til enda. Annað parið er með allt á hreinu og þau unnast glöð. Hitt parið klúðrar öllum sínum málum, en þrá samt hvort annað yfirmáta mikið og óendanlega heitt. Je t‘aime, je t‘aime, je t‘aime!!

Árni Hjartarson er jarðfræðingur að mennt og aðalstarfi en hefur lengi fengist við laga- og textasmíð. Dagskráin er sett saman úr söngvum sem margir hafa orðið til í tengslum við leikrit leikfélagsins Hugleiks. Músíkin er fjölbreytt og þar bregður fyrir skandinavískum fiðluvölsum, finnskum tangótakti, pólskum polka, sveitasöng í Skagastrandarstíl, mótmælatónlist, harmkvæðum og hetjuljóðum. Allt er þetta fléttað með þjóðlagakenndu ívafi eins og vera ber á þjóðlagahátíð.

Sönghópurinn Villifé hefur stundað söng hljóðfæraleik í áraraðir undir ýmsum nöfnum og í ótal tilbrigðum, sem kvartett, tríó, dúó eða sóló. Þetta eru Kristján og Hjörleifur Hjartarsynir (sem reyndar eru bræður Árna) og konur þeirra Kristjana Arngrímsdóttir og Íris Ólöf Sigurjónsdóttir.


Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

dx-4a.jpg

Framsetning efnis

moya - Útgáfa 1.13 2009 - Stefna ehf