Ůjˇ­lagasetur sr. Bjarna Ůorsteinssonar

Ríma Andrómeda4 Andrómeda4 frá Boston í Bandaríkjunum er skipuð þeim Ímu Þöll Jónsdóttur fiðluleikara, Evan Harlan harmónikuleikara, Andrew

Ůjˇ­lagahßtÝ­in 2007

Ríma


Andrómeda4

Andrómeda4 frá Boston í Bandaríkjunum er skipuð þeim Ímu Þöll Jónsdóttur fiðluleikara, Evan Harlan harmónikuleikara, Andrew Blickenderfer á bassa og Andrew Stern á gítar. Sveitin hefur komið fram á helstu tónlistarhátíðum fyrir heimstónlist. Þá hefur hún unnið með listamönnum á borð við Luciano Pavarotti, Björk, Bruce Hornsby, Dave Douglas, Béla Fleck, Dave Holland og Sinfóníuhljómsveit Íslands. Hljómsveitin er jafnvíg á margskonar stílbrigði, svo sem á Klezmer-tónlist og jiddíska tónlist og hún semur einnig eigin lög og gefur út geisladiskum. Gestur Andromedu á tónleikum Þjóðlagahátíðar er Bára Grímsdóttir, kvæðakona.

Grieg i Jötunheimum 


Unni Løvlid er afar fjölhæf þjóðlagasöngkona frá Hornindal í Noregi. Hún hefur haldið tónleika víða um heim auk þess að kenna við Tónlistarháskólann í Osló og Þjóðlagaakademíu Norðmanna á Voss. Fyrir ári var hún útnefnd þjóðlagatónlistarmaður ársins í Noregi. Um þessar mundir eru 100 ár liðin frá dauða norska tónskáldsins Edvards Grieg. Að því tilefni verða sungin á þjóðlagahátíðinni norsk þjóðlög sem Grieg útsetti fyrir píanó. Lögin verða fyrst sungin af Unni Løvlid en Joachim Kjelsaas Kwetzinsky leikur þau síðan á píanó. 
Joachim Kjelsaas Kwetzinsky
sækir nú Þjóðlagahátíðina á Siglufirði heim öðru sinni.  Hann er einn efnilegasti listamaður sem Norðmenn eiga um þessar mundir. Árið 2002 vann hann til verðlauna í alþjóðlegri keppni píanóleikara í Björgvin sem kennd er við Grieg. Árið sem hann útskrifaðist eða 2004 var hann valinn sendifulltrúi Norðmanna á erlendri grundu um þriggja ára skeið. Sú útnefning hefur opnað fyrir honum tónleikasali Kína, Rússlands, Litháen, Tékklands, Frakklands, Austurríkis, Óman og  Íslands.


Pétur og úlfurinn eftir Sergei Prokofiev

Bernd Ogrodnik tók þátt í þjólagahátíðinni á Siglufirði í fyrsta sinn árið 2006 og vakti þá mikla athygi fyrir brúðuleikhús sitt. Að þessu sinni hyggst hann segja söguna um Pétur og úlfinn við tónlist Prókofjefs. Bernd býr búi sínu í Skíðadal en er með sýningar í Þjóðleikhúsinu sem og við erlend leikhús. Hann nýtur mikillar virðingar fyrir list sína og er talinn vera meðal færustu brúðuleikhúsmanna heims. Bernd Ogrodnik færir okkur þetta yndislega ævintýri á formi brúðuleikhúss, þar sem tónlisti er birt myndrænt með aðstoð handútskorinna leikbrúða sem Bernd stjórnar af sinni alkunnu snilld.


 
   Funi

Bára Grímsdóttir söngkona og tónskáld hefur um langt árabil verið flytjandi íslenskra þjóðlaga og kvæðalaga. Hún ólst upp við kveðskap og söng foreldra sinna og afa og ömmu, m.a. í Grímstungu í Vatnsdal. Þegar fjölskyldan flutti suður til Reykjavíkur gerðust foreldrar hennar félagar í Kvæðamannafélaginu Iðunni og fór Bára jafnan með þeim á fundi og í sumarferðir félagsins. Bára hefur sérstakan áhuga á rímum og kvæðalögum en hefur einnig kynnt sér hinn fjölbreytilega þjóðlagaarf liðinna alda, bæði veraldlegan og trúarlegan. Hún hefur sungið með Sigurði Rúnari Jónssyni og Njáli Sigurðssyni og þjóðlagahópnum Emblu og komu þau fram á tónleikum á Íslandi og víða í Evrópu, Norður Ameríku og Kína. Chris Foster ólst upp í Somerset á Suðvestur - Englandi. Þar heyrði hann fyrst ensk þjóðlög sungin og leikin og þar hóf hann tónlistarferil sinn. Hann hefur í þrjá áratugi komið fram á tónleikum víða á Bretlandseyjum, Evrópu og Norður- Ameríku. Hann er tvímælalaust frábær flytjandi enskrar þjóðlagatónlistar. Með sínum sérstaka stíl flytur hann m.a. söngva um rómantík, galdra, morð, áfengi, ástina, hjúskaparbrot og klæðskiptinga. Hvert lag er sérstök saga. Samvinna þeirra Báru hófst árið 2000. Síðastliðin 5 ár hafa þau komið fram á ýmsum hátíðum, tónleikum og í útvarpi á Íslandi, Englandi, Skotlandi, Írlandi, Belgíu, Bandaríkjunum, Kína og Ungverjalandi. Í júní 2004 gáfu þau út geisladiskinn Funa og hafa þau fengið mikið lof fyrir hann. Gestur tvíeiksins á tónleikunum er Íma Þöll Jónsdóttir, fiðluleikari.


   Sönglög frá Armeníu  

Susanna Martirosyan stundaði nám við Tónlistarháskólann í Yerevan og varð að námi loknu einn aðalsöngvarinn við Þjóðaróperu Armena þar í borg. Hún stundaði framhaldsnám í tengslum við La Scala-óperuna í Mílanó og lauk prófi frá Verdi-tónlistarháskólanum þar í borg. Hún hefur unnið til verðlauna í alþjóðlegum keppnum á borð við keppnina í Toulous og París í Frakklandi og í Pavia og Bussetto á Ítalíu, ýmist önnur eða þriðju verðlaun. Susanna var ráðin við óperuna í St. Pétursborg í Rússlandi árið 1993 þar sem hún söng í áratug helstu  aðalhlutverk, svo sem Aídu og Tosku í samnefndum óperum. Nú er hún prófessor við Tónlistarháskólann í Yerevan og sinnir einnig tónleikaferðum víða um heim. Á  þjóðlagahátíð syngur hún lög eftir armensk tónskáld og þjóðlög frá heimalandi sínu.


Armen Babakhanian
er armenskur píanóleikari í fremstu röð. Hann hefur haldið tónleika um allan heim, tekið þátt í fjölda keppna fyrir unga píanóleikara og jafnan verið í efstu sætum. Babakhanian leikur gjarnan með fremstu strengjakvartettum veraldar, á borð við ungverska Takács-kvartettinn, Lark- kvartettinn enska og Bandaríska strengja-kvartettinn. Flutningur hans með Takács-kvartettinum á kvintett eftir Schostakovich var kjörinn besti tónlistarflutningur ársins 1995.

 

Ameríska fjallalangspilið

Jerry Rockwell er einn kunnasti mountain dulcimer- eða fjallalangspilsleikari Bandaríkjanna. Hann hefur gefið út geisladiska með lögum fyrir þessa sérstæðu frænku íslenska langspilsins. Jerry Rockwell og Örn Magnússon munu leiða saman hesta sína á þessum fyrstu tónleikum hérlendis sem helgaðir eru langspilinu.







   Þið þekkið fold með blíðri brá

Kristjana Arngrímsdóttir er búsett á Tjörn í Svarfaðardal. Hún hefur verið óþreytandi að halda íslenskum tónlistararfi á lofti. Hún hefur komið fram bæði á Íslandi og í Danmörku og flutt bæði íslensk og dönsk þjóðlög. Í tilefni af  200 ára fæðingarafmæli Jónasar Hallgrímssonar hefur söngkonan tekið saman lög við ljóð skáldsins og flytur á þjóðlagahátíð ásamt félögum sínum frá Tjörn, þeim Erni Eldjár, Ösp Kristjánsdóttur,  Kristjáni Eldjárn Hjartarsyni og Þórarni Hjartarsyni kvæðamanni. Frumflutt verða ný lög eftir íslensk tónskáld.

Kvintbræður

Kvintbræður eru Örn og Sigursveinn Magnússynir.Þeim til fulltingis erMarta G. Halldórsdóttir söngkona. Þau hafa undanfarin misseri kafað ofan í íslenskan þjóðlagaarf og vakið til lífsins gömul lög sem ekki hafa heyrst flutt hér á landi frá því fyrr á öldum. Örn hefur stundað rannsóknir á langspilshefð okkar Íslendinga og annarra þjóða og tileinkað sér hljóðfærið með sérlega góðum árangri. Þá hafa þeir bræður endurvakið gamla tvísönginn með glæsibrag.

Tríó Hanne Juul frá Svíþjóð er skipað þeim Hanne Juulsöngkonu, Mats Bjarki Gustavii píanista og Joakim Rolandson saxófónleikara. Hanne Juul er ein atkvæðamesta vísnasöngkona Norðurlanda. Hún bjó um skeið á Íslandi og var þá virkur þátttakandi í starfi Vísnavina og skipulagði hátíð á þeirra vegum hér á landi. Hún hefur gefið út fjölda geisladiska og sungið í útvarpi og sjónvarpi. Félagar hennar í tríóinu eru hver um sig skapandi tónlistarmenn; hafa samið tónlist fyrir leikrit og kvikmyndir auk þess að kenna við tónlistarháskólann í Ingesund í Svíþjóð. Gestur triósins í hátíðinni er  Steindór Andersenkvæðamaður.



Cappella con moto 
frá Freiburg í Þýskalandi er nýlegur kór en hefur vakið óskipta athygli fyrir vandaðan söng. Hann hefur haldið tónleika í Freiburg í Svartaskógi og nágrenni. Kórinn flytur verk frá flestum tímum tónlistarsögunnar, einkum rómantísk verk og frá endurreisnartímanum. Á tónleikunum á þjóðlagahátíðinni syngur kórinn kvartetta eftir Jóhannes Brahms. Angela Baltes syngur einsöng, Albrecht Dammeier leikur á píanó en stjórnandi er Markus Uhl.

   Leikið á forn norræn hljóðfæri

Marit Steinsrud ólst upp í Valdres í Noregi þar sem dans og þjóðlagatónlist var í hávegum höfð. Í æsku lærði hún langspilsleik hjá nágrannakonu sinni, Ingrid Skattebu. Lögin voru ekki til á nótum heldur höfðu þau varðveist mann fram af manni. Á sama hátt kennir hún nú sjálf ungu fólki að leika á langspil. Árið 1995 gaf hún út ásamt tveimur systrum sínum og Hegge-systrunum þremur geisladiskinn Levende Langeleik (Lifandi langspilsleikur) og var hann tilnefndur til Spillmanns-verðlaunanna svokallöðu. Marit Steinsrud hefur tekið þátt í mörgum keppnum og unnið til verðlauna, bæði ein og með flokknum Bank í borðið (Bank i Bordet). Stein Villa hefur sérhæft sig í miðaldahljóðfærum og fornum norskum alþýðuhljóðfærum sem tengjast þjóðlagatónlist. Hann hefur haldið fyrirlestra við háskóla og akademíur, kynnt þjóðlagatónlist víða að í Noregi auk þess að vera forsvarsmaður þjóðlagadeildar Mjös-safnsins. Stein býr til og leikur á flautur úr ólíkum efnivið, svo sem úr beini, hvönn, tré og stráum. Hann hefur einnig vakið á ný til lífsins hljóðfæri sem enginn sinnti lengur, á borð við norsku hörpuna, lýru, stroklýru og norrænu sekkjapípuna. Stein hefur skrifað greinar í norsk fagtímarit og samið kennsluefni á þessu sviði. Þá hefur hann leikið inn á geisladiska á hörpu, lýru, langspil, gítar, sekkjapípu og flautu. Marit og Stein hafa undanfarin ár haldið tónleika innan og utan Noregs og leikið bæði hefðbundna norska þjóðlagatónlist og tónlist frá miðöldum.

Narodna Musika leikur búlgarska tónlist. Flokkinn skipa Borislav Zgurovski - mikill harmónikkuvirtúós, Enis Ahmed tambourasnillingur, ásamt þeim Hauki Gröndal, saxófón- og klarinettuleikara, Þorgrími Jónssyni á kontrabassa og Erik Quiká slagverk. Þeir koma fram á uppskeruhátíð Þjóðlagahátíðar og slá með því botninn í tónleikaferðalag sveitarinnar um Ísland.

Dúó Ríma er skipað tveimur ungum hljóðfæraleikurum, þeim Eriku Södersten víóluleikara frá Svíþjóð og Gunnhildi Höllu Guðmundsdóttursellóleikara. Erika og Gunnhildur kynntust við Konservatóríið í Kaupmannahöfn þar sem þær stunduðu báðar framhaldsnám. Þær hafa starfað saman um árabil og fengið fjölmörg tónskáld til þess að semja fyrir sig ný verk, þ.á.m. Hafliða Hallgrímsson. Að þessu sinni frumflytja þær nýtt verk eftir Hafdísi Bjarnadóttur sem nýlega lauk námi við LHÍ í tónsmíðum en auk þess eru á efnisskrá verk eftir norræn tónskáld fyrir víólu og selló.             


Dansað í höllu Dofrans

Sinfóníuhljómsveit unga fólksins var stofnuð 7. nóvember 2004. Hljómsveitin er skipuð nemendum á höfuðborgarsvæðinu sem lengst eru komnir í hljóðfæranámi. Aðalstjórnandi hljómsveitarinnar er Gunnsteinn Ólafsson. Að þessu sinni flytur armenski píanóleikarinn Armen Babakhanian píanókonsert eftir landa sinn John Sarkissian með hljómsveitinni. Þá leikur hljómsveitin svíturnar tvær úr Pétri Gaut eftir Edvard Grieg í tilefni af 100 ára dánarártíð tónskáldsins.

Gunnsteinn Ólafsson stundaði framhaldsnám í tónlist í Ungverjalandi og Þýskalandi. Hann er listrænn stjórnandi Þjóðlagahátíðarinnar á Siglufirði og kom þar á fót Þjólagasetri í sumar sem leið. Hann kennir við Tónlistarskólann í Reykjavík og við tónlistardeild LHÍ.        

Efnisskrá tónleika Sinfóníuhljómsveitar unga fólksins:
John Sarkissian: Konsert fyrir píanó, slagverk og strengi
Edvard Grieg: Pétur Gautur   

Námskeið 

Hálfsdagsnámskeiðin eru ýmist frá kl. 9.00-12.00 eða 14.00-17.00 í tvo daga,  fimmtudag 5. og föstudag 6. júlí.
Heilsdagsnámskeiðin eru frá kl. 9.00-12.00 og 14.00-17.00 í tvo daga, fimmtudag 5. og föstudag 6. júlí.

Klezmer-tónlist (Gyðingatónlist) - Heilsdagsnámskeið
Kennarar: Íma Þöll Jónsdóttir og Andromeda4, Boston

Íslensk glíma - Fyrir hádegi- Kennari: Oddbjörn Magnússon
Stiklað verður á stóru um sögu þessarar þjóðaríþróttar Íslendinga. Kennd verða nokkur brögð, svo sem sniðglíma, hælkrókur hægri hægri og legggjarbragð. Námskeiðið er ætlað 10 ára og eldri. Oddbjörn Magnússon lærði glímu á Sauðárkróki af Árna Friðrikssyni. Hann hefur bæði kennt glímu og keppt í henni á Íslandsmeistaramótum.

Rímnakveðskapur - Eftir hádegi- Kennari: Steindór Andersen
Á námskeiðinu mun Steindór Andersen kynna kvæðalagasjóð Kvæðamannafélagsins Iðunnar. Notast verður við bókina Silfurplötur Iðunnar, en þar getur að heyra 200 lög sem tekin voru upp á árunum 1935-36 en komu út haustið 2004 á nótum ásamt upptökum og ítarlegum skýringum. Steindór Andersen er kunnasti kvæðamaður okkar Íslendinga nú um stundir og hefur lagt fram drjúgan skerf til varðveislu kvæðalaganna. Hann er formaður Kvæðamannafélagsins Iðunnar.



Magadans
- Fyrir hádegi- Kennari: Kristína Berman

Langspilsleikur - Fyrir hádegi- Kennari: Jerry Rockwell

Hreyfileikir og spuni - Eftir hádegi- Kennari: Kristín Valsdóttir

Keðju- og skartgripagerð - Heilsdagsnámskeið- Kennarar: Ásdís Birgisdóttirog Margrét Linda Gunnlaugsdóttir
Keðjugerð: Nemendur læra að gera keðjur með aðferð sem þekkst hefur frá miðöldum. Notaður er kopar- og silfurvír. Nemendur læra að saga í sundur og lykkja saman eftir mismunandi aðferðum svo úr verða mismunandi mynstur, t.d. kóngakeðja og drottningarkeðja. Nemendur taka með sér fínar tangir (spóakjaft) og klíputöng ef þeir eiga. Skartgripagerð - perlufestar: Nemendur læra að raða saman perlum og steinum, þræða á silkiþráð í hálsfestar og armbönd. Einig er boðið upp á gera eyrnalokka. Notaðar eru ferskvatnsperlur og slípaðir steinar, túrkís, aborít, granat, períódít, kristall, blóðsteinn, skrautperlur úr úr silfri og húðuðu silfri, einnig silkiþráður, stálvír, festingar úr silfri og gullhúðuðu silfri, eyrnalokkafestingar og fleira. Ásdís Birgisdóttir textílhönnuður hefur kennt skartgripa- og keðjugerð við Heimilisiðnaðarskólann í nokkur ár. Auk þess hefur hún hannað handprjón og textíl fyrir verslanir, tímarit og sýningar. Margrét Linda Gunnlaugsdóttir er textílhönnuður og þjóðfræðingur. Hún hefur starfað við hönnun í mörg ár.

Sagnanámskeið - Fyrir hádegi- Kennarar: Ingi Hans Jónsson og Sigurborg Kr. Hannesdóttir

Brúðugerð og brúðuleikhús - Heilsdagsnámskeið- Kennari: Bernd Ogrodnik

Blómstursaumur á hliðartösku - Eftir hádegi- Kennari: Gerla
Á námskeiðinu verður kenndur blómstursaumur á hliðartösku. Nemendur geta valið úr nokkrum forteiknuðum þjóðlegum munstrum eða teiknað sitt eigið munstur. Nemendur útsauma með blómstursaumnum á framhlið lítillar hliðartösku (stærð c.a. 17 x 25 cm). Stefnt er að því að í lok námskeiðsins hafi hver nemandi lokið við fullunna tösku, tilbúna til notkunar. Blómstursaumur tíðkaðist mikið á 18. og 19. öldinni og var sú saumgerð sem mest var notuð í samfellubekki. Einnig eru á söfnum landsins nokkur sessuborð með þessari saumgerð. Blómstursaumsporið er saumað ekki ósvipað varplegg, en er þó líkara steypilykkju að sjá. Eins og nafnið gefur til kynna voru munstur unnin með blómstursaum flest sótt í flóru landsins. Efniskostnaður 1.000.kr. Gerla (Guðrún Erla Geirsdóttir) hefur vakið athygli fyrir að endurvekja gamalt handbragð í hannyrðum, svo sem refilsaum og skreytingu klæða með roði. Hún hefur haldið sýningar og unnið til verðlauna fyrir hugmyndaríka hönnun, ekki síst fyrir refilsaum og nýtingu á fiskiroði.

Námskeið fyrir börn og unglinga

Allt frá upphafi þjóðlagahátíðar hefur börnum þátttakenda verið boðið upp á ókeypis námskeið af ýmsum toga. Þau hafa notið mikilla vinsælda og lætur nærri að þriðjungur þátttakenda á námskeiðum á hátíðinni séu börn og unglingar.

Leiklistarnámskeið fyrir börn 9-12 ára - Heilsdagsnámskeið - Kennarar fráLeikfélagi Siglufjarðar
Nemendum er skipt í hópa sem hver um sig undirbýr atriði á uppskeruhátíð hátíðarinnar. Hóparnir spinna leikþátt og búa sjálfir til leikmynd og búninga.

Spunatónlist fyrir unglinga 13-16 ára - Heilsdagsnámskeið - Kennarar: Hildur Guðný Þórhallsdóttir og Þórdís Heiða Kristjánsdóttir (Öll hljóðfæri á staðnum).
Á þjóðlagahátíðinni verður boðið var boðið upp á spunanámskeið fyrir unglinga. Öll hljóðfæri eru á staðnum. Hildur og Þórdís hafa áralanga reynslu í slíkum námskeiðum fyrir börn og unglinga. Afrakstur námskeiðsins verður kynntur á sérstökum tónleikum.

Eftirfarandi námskeið fullorðinna eru einnig fyrir börn og unglinga:

Brúðugerð og brúðuleikhús(fyrir 12 ára og eldri)

Íslensk glíma (fyrir 12 ára og eldri)

Auglřsingar

Folk Music Festival
Raddir ═slands
SÝldarminjasafni­
HÚ­insfj÷r­ur

Mynd augnabliksins

img_3107.jpg

Framsetning efnis

moya - Útgáfa 1.13 2009 - Stefna ehf