Ůjˇ­lagasetur sr. Bjarna Ůorsteinssonar

Tónlist Eyþjóða og stranda Hér má nálgast plakat hátíðarinnar. Alþingishátíðarkantata sr. Bjarna Þorsteinssonar Setningartónleikar Þjóðlagahátíðar eru

Ůjˇ­lagahßtÝ­in 2006

Tónlist Eyþjóða og stranda

Hér má nálgast plakat hátíðarinnar.


Alþingishátíðarkantata sr. Bjarna Þorsteinssonar
Setningartónleikar Þjóðlagahátíðar eru helgaðir tónlist sr. Bjarna Þorsteinssonar. Sungin verða kunnustu sönglög hans og Alþinghishátíðarkantata hans verður frumflutt. Árið 1930 var efnt til samkeppni meðal íslenskra tónskálda um tónverk við ljóð Davíðs Stefánssonar sem flytja skyldi á hátíðinni á Þingvöllum 1930. Sr. Bjarni samdi kantötu við ljóð Davíðs og sendi í keppnina. Kantatan er tvímælalaust lang viðamesta verk sr. Bjarna. Það er samið fyrir þrjá einsöngvara, karlakór, blandaðan kór og píanó. Allir kórar á Siglufirði flytja kantötu sr. Bjarna á hátíðinni auk einsöngvaranna þriggja, Sigrúnar Hjálmtýsdóttur, Hlöðves Sigurðssonar og Valdimars Hilmarssonar. Renáta Ivánleikur á píanó en stjórnandi er Gunnsteinn Ólafsson.

Úr norska skerjagarðinum
Alfreds Følge skipa Astri Skarpengland, söngvari og frásagnakona, Espen Alfred Leite, harmónikku og Gunhild Aubert Opdal, sagnakona og dansari. Flokkurinn hóf samstarf árið 2003; ferðaðist þá á vegum Rikskonserterne í Noregi og hélt tónleika fyrir nemendur í skólum vítt og breitt um landið. Á tónleikunum flytur flokkurinn þjóðlög úr norska skerjagarðinum. Astri Skarpengland er ein fremsta þjóðlagasöngkona Norðmanna. Auk þess að koma fram á tónleikum með fremstu tónlistarmönnum Norðmanna hefur hún stundað eigin þjóðlagarannsóknir. Þá kennir hún þjóðlagatónlist við Háskólann í Osló. Gunhild Aubert Opdal er alin upp í Rósadal á Harðangri. Hún er leikkona og dansari að mennt og hefur ferðast vítt og breitt um Noreg á vegum Rikskonserterne með leik- og danssýningar. Espen Alfred Leite nam harmónikkuleik við Tónlistarháskólann í Osló og er mjög virkur í leikhúslífi borgarinnar sem harmónikkuleikari. Auk þess að leika í Alfreds Fölge er Espen Alfred félagi í írsku þjóðlagasveitinni The Berries og tangósveitunum Tango Seraphina og Einmalt kommt der Liebe.

Strengjasveit unga fólksins í Kaupmannahöfn
Strengjasveit unga fólksins í Kaupmannahöfn var stofnuð árið 1992. Með henni leika um 30 hljóðfæraleikarar á aldrinum 15-30 ára. Stjórnandi er Jesper Ryskin. Á tónleikunum verða leikin verk eftir Jón Ásgeirsson, Carl Nielsen og Dimitri Schotakovich.

Bóleró frá Mexikó
Mexikó á sér ríka tónlistarhefð, einkum á sviði alþýðutónlistar. Á þjóðlagahátíðinni munu tveir ungir þarlendir listamenn flytja úrval tónlistar frá Mexikó, einkum bóleró-söngva. Flytjendur eru Sandra Mares söngvari og Hector Landa píanóleikari. Sandra Mares er heillandi ung söngkona frá Mexíkó. Níu ára að aldri kom hún fyrst fram á sviði og söng mexíkóska þjóðlagatónlist. Einstakir sönghæfileikar hafa gert henni kleift að sækja önnur lönd heim, svo sem Kúbu, New York, Spán, Búlgaríu, Ítalíu, Frakkland og Þýskaland, þar sem hún hefur komið fram á tónleikum og í útvarpi, ýmist ein eða með þjóðlagaflokknum Vera-Mares. Á efnisskrá hennar eru kúbönsk og mexíkósk trova, bóleró, maríakí-söngvar og afró-kúbönsk tónlist. Sandra Mares hefur verið búsett í Barcelóna á Spáni frá 1998. Hector Landa stundaði nám í píanóleik í heimalandi sínu og er nú við framhaldsnám í Listaháskóla Norður-Karólínu, Bandaríkjunum. Hann hefur tvisvar unnið fyrstu verðlaun í keppni ungra píanóleikara í heimalandi sínu; fyrst Edvard Grieg-keppnina og síðan keppni sem kennd er við Isaias Noriega. Sumarið 2006 verður Hector Landa á tónleikaferðalagi um Evrópu þar sem hann mun leika píanótónlist eftir mexikósk og bandarísk tónskáld.

Rætur ungverskrar tónlistar
Tómas Gombai er einn merkasti þjóðlagatónlistarmaður Ungverja af yngri kynslóðinni. Hann leikur einkum á fiðlu en á tónleikunum mun einnig bregða fyrir sig flautu og syngja. Hann hefur safnað þjóðlögum á ungverskum svæðum Transylvaníu og Slóvakíu sem og gefið út bók um þjóðlagatónlist. Hér er á ferðinni mikill snillingur sem enginn má láta fram hjá sér fara.

Fagurt er í Fjörðum
Joachim Kjelsaas Kwetzinsky er eitt mesta efni sem Norðmenn eiga á meðal ungra þarlendra píanóleikara. Hann sigraði Grieg-keppnina í Osló árið 2002 og tveimur árum síðar hlaut hann styrk Norska tónlistarráðsins til þess að helga sig tónleikahaldi innan lands sem utan í þrjú ár. Á tónleikum sínum á þjóðlagahátíðinni leikur Joachim verk eftir ungverska tónskáldið Béla Bartók. Þá mun hann frumflytja verk eftir Gunnar Andreas Kristinsson sem byggir á þjóðlaginu Fagurt er í Fjörðum. Gunnar Andreas Kristinsson stundaði nám við tónfræðadeild Tónlistarskólans í Reykjavík og lauk þaðan prófi árið 2001, síðar meistaragráðu frá Konunglega tónlistarháskólanum í Haag árið 2004. Hann hefur tekið þátt í vinnustofum ungra tónskálda á Norðurlöndum og í Hollandi auk þess að vera staðartónskáld í Skálholti sumarið 2005. Verk hans hafa víða verið flutt.

Jamaíka!
Flís-tríóið hefur haldið tónleika á þjóðlagahátíð frá upphafi. Það var alls óþekkt fyrsta árið en hefur sótt í sig veðrið undan farin ár og er nú orðið þekkt fyrir vandaða djasstónlist. Að þessu sinni munu þeir Davíð Þór Jónsson, Valdimar Kolbeinn SigurjónssonogHelgi Svavar Helgason fá Bogomil Font til liðs við sig og leika tónlist frá Jamaíku.

Kúbana
Á tónleikunum mun Tómas R. Einarsson fá til liðs við sig Matthías Hemstockslagverksleikara og fleiri til þess að flytja tónlist frá Kúbu sem og frumsamda tónlist í anda kúbanskrar tónlistar. Tómas R. Einarsson hefur leikið með fjölmörgum djasssveitum og erlendum gestum, s.s. Chet Baker og Kenny Drew, og spilað á djasshátíðum víða um Evrópu, þar á meðal The Glasgow Jazz Festival, Berliner Jazz Tage og Kongsberg Jazz Festival. Þá hefur hann gefið út diska sem hlotið hafa fjölda viðurkenna.

Málþing um þjóðlagatónlist og hlutverk hennar í nútíma samfélagi
Gunnar Stubseid, rektor Ole Bull-akademíunnar á Voss í Noregi; Kristian Blak, tónskáld frá Þórshöfn í Færeyjum; Tamás Gombosi, fiðluleikari frá Ungverjalandi

Leiksýning Bandamanna
Leikstjóri: Sveinn Einarsson

Uppskeruhátíð þjóðlagahátíðar
Tamás Gombosi, Ungverjalandi
Gunnar Stubseid, Noregi
Alfreds Fölge, Noregi
Uwe Eschner, Þýskalandi
Þjóðdansahópar
Spælimenninir, Færeyjum, leika fyrir dansi

Spælimenninir færeysku hafa leikið á tónleikum og fyrir dansi beggja vegna Atlantsála í tvo áratugi og gefið út nokkra hljómdiska. Hljómsveitin leikur lög frá Færeyjum, Hjaltlandseyjum, Svíþjóð, Danmörku, Noregi og fleiri löndum sem vita að Atlantshafi. Forsprakki hópsins er Kristian Blak sem fæddur er í Danmörku en hefur búið lengi í Færeyjum og verið helsti prímusmótor tónlistar þar í landi.

Slegið á suðræna strengi
Uwe Eschner leikur á gítar verk eftir kúbönsk og suðuramerísk tónskáld, þ.á.m. eftir Leo Brouwer, H. Villa-Lobos og M.M. Ponce. Uwe útskrifaðist frá Tónlistarháskólanum í Freiburg með ágætiseinkunn og sama ár settist hann að á Íslandi til þriggja ára. Hér á landi starfaði hann sem gítarkennari, hélt fjölda einleikstónleika auk þess að leika með söngvurunum. Uwe Eschner er nú deildarstjóri við tónlistarskólann í Dithmarschen, einum stærsta tónlistarskóla Norður- Þýskalands.

Sinfóníuhljómsveit unga fólksins
Stjórnandi: Ligia Amadio
Þorkell Sigurbjörnsson: Kólumbína. Konsert fyrir flautu og strengi
                                       Einleikari: Emilía Rós Sigfúsdóttir
Modest Mussorgsky/Ravel: Myndir á sýningu

Þorkell Sigurbjörnsson (f.1938) er eitt afkastamesta tónskáld okkar Íslendinga. Flauturkonsertinn Kólumbína var unninn upp úr leikhústónlist sem Þorkell samdi fyrir Þjóðleikhúsið árið 1982. Konsertinn hefur farið sigurför um heiminn og margir helstu flautuleikarar heims hafa tekið hann upp á sína arma. Konsertinn er í ítölskum stíl og sannkallað eyrnakonfekt.

Emilía Rós Sigfúsdóttir flautuleikari er fædd árið 1982, sama ár og flautukonsert Þorkels var saminn. Hún stundaði nám við Tónlistarskólann í Reykjavík frá 1995 hjá Bernharði Wilkinsson og Hallfríði Ólafsdóttur og lauk þaðan burtfararprófi vorið 2003. Sumarið 2004 lauk Emilía Rós Postgraduate diploma með hæstu einkunn frá Trinity College of Music í London. Hún hefur einnig tekið þátt í fjölmörgum meistaranámskeiðum víðsvegar um heiminn og síðastliðið sumar var henni boðið í tónleikaferð um austurströnd Kanada. Emilía Rós hefur komið fram sem einleikari með Sinfóníuhljómsveit Íslands og með Trinity College of Music Symphony Orchestra í úrslitum einleikarakeppni skólans, þar sem hún hafnaði í þriðja sæti. Vorið 2006 hélt Emilía Rós í tónleikaferð um Bretland, styrkt af Egilssjóði, til þess að kynna íslenska flaututónlist.

Modest Mussorgsky samdi Myndir á sýningu fyrir píanó árið 1874 en Maurice Ravel útsetti verkið fyrir hljómsveit . Það er eitt stórbrotnasta hljómsveitarverk 20. aldar og mikill prófsteinn fyrir Sinfóníuhljómsveit unga fólksins.

NÁMSKEIÐ

Kúbönsk tónlist fyrir tónlistarnema
Tómas R. Einarsson bassi og Matthías Hemstock slagverk.
Á námskeiðinu verður farið í helstu einkenni kúbanskrar tónlistar. Námskeiðinu lýkur með tónleikum.

Rímnakveðskapur
Kennari: Sigurður Sigurðarson
Kennd verða rímnalög úr sjóði Kvæðamannafélagsins Iðunnar.

Barnagælur og þulur
Kennarar: Ása Ketilsdóttir og Sigríður Pálmadóttir
Ása Ketilsdóttir lærði ung fjölmargar barnagælur og þulur heima í Aðaldal í Þingeyjarsýslu. Sigríður Pálmadóttir hefur skráð lögin og gert þau aðgengileg fyrir almenning.

Íslenskir söngdansar
Kennarar: Kolfinna Sigurvinsdóttir og Sverrir Sverrisson
Kenndir verða algengustu söngdansar, svo sem Ólafur liljurós og Hér er kominn Hoffinn.

Brúðuleikhús
Kennari: Bernd Ogrodnik
Bernd Ogrodnik hefur getið sér gott orð fyrir sýningar sínar í Þjóðleikhúsinu. Á námskeiðinu opnar hann fyrir nemendum sínum töfraheim brúðuleikhússins.

Silfursmíði
Kennari: Dóra G. Jónsdóttir gullsmiður
Víravirki íslenska kvenbúningsins er oft mikið djásn. Til allrar hamingju er hið forna handverk ekki með öllu gleymt og nokkrir gullsmiðir hafa tileinkað sér það, þar á meðal Dóra G. Jónsdóttir. Hún kennir að gera brjóstnælu, hálsmen og eyrnalokka þar sem hinu forna handbragði er beitt.

Listin að segja sögu
Kennarar: Ingi Hans Jónsson og Sigurborg Kr. Hannesdóttir
Hæfileikinn til að segja sögur, leynist í okkur öllum. Á námskeiðinu virkjum við þennan hæfileika og fetum okkur áfram á sagnaslóðinni. Við skoðum efniviðinn, þ.e. sögurnar sjálfar – það að velja sögu og endurskapa sögu. Einnig söfnum við ýmsu í verkfærakistu sagnamannsins sem hann getur beitt til glæða sögurnar sínar lífi. Á námskeiðinu verður stuðst við sagnahandbók úr Evrópuverkefninu Storytelling Renaissance. Ingi Hans Jónsson og Sigurborg Kr. Hannesdóttir hafa undanfarin ár fengist við sagnamennsku og komið fram á sagnakvöldum hér heima og erlendis.

Tálgunámskeið
Kennari: Guðmundur Magnússon
Á námskeiðinu verður sérstök aðferð kennd við að tálga, upprunnin í Svíþjóð. Nemendur læra að beita hníf af öryggi og að vinna og kljúfa ferskan við. Þá kynnast þeir mismunandi þurrkunaraðferðum. Gerðir verða ýmsir smáhlutir á námskeiðinu, svo sem fuglar, smjörhnífar, skóhorn og fleira. Hámarksfjöldi 15 manns.

Grasaleit og matargerð
Kennari: Hildur Hákonardóttir, grasakona
Hildur Hákonardóttir gaf á síðasta ári út bókina Handbók grasnytjungsins. Á námskeiðinu mun hún ganga til grasa með nemendum sínum og sýna þeim hvernig nýta má gróður jarðar við matseld.

Refilsaumur og skorningur með roði
Kennari: Gerla
Kennd verður forn íslensk saumgerð: refilsaumur, sem og að applikera með roði, en það hefur verið kallað skorningur á íslensku. Á námskeiðinu verður unnið út frá gömlum íslenskum munstrum. Hver nemendi velur munstur sem hann útfærir á boðunga á einföldu vesti fyrir barn eða fullorðna. Byrjað verður á að sníða vesti og teiknað upp munstur á boðunga þess eða vasa. Nemendur velja hvort þeir nota annað hvort refilsaum eða apllikeringu eða jafnvel báðar aðferðirnar saman.

Ullarlitun
Kennari: Þorgerður Hlöðversdóttir
Nemendur kynnast nokkrum íslenskum plöntum sem notaðar hafa verið til litunar, læra meðhöndlun á ull áður en hún er lituð og meðferð festa, þeir læra að grunnlita band með jurtalitum og að eftirlita það með festum eða öðrum litum. Þá verður kennt að lita með erlendum lífrænum efnum, s.s. kaktuslús. Einnig verður kennt að búa til halasnældu og að spinna á hana. Námskeiðið fer að hluta fram úti. Hámarksfjöldi er 12 nemendur.

Leikir og dansar fyrir yngri en 9 ára
Kennari: Kolfinna Sigurvinsdóttir
Kenndir veðra söngdansar fyrir börn sem Kolfinna Sigurvinsdóttir hefur skapað og þróað að norrænni fyrirmynd.

Tálgunámskeið fyrir börn með foreldri
Kennari: Skarphéðinn Guðmundsson
Unga fólkinu verða kennd undirstöðuatriðin við að tálga og skera út einfalda hluti.

Leiklistarnámskeið fyrir 9-15 ára
Í umsjá Leikfélags Siglufjarðar
Leiklistarnámskeiðið byggir á spuna.

Stompnámskeið fyrir unglinga
Kennari: Jón Geir Jóhannsson
Á námskeiðinu verður barið í allt sem gefur hljóð frá sér, svo sem tunnur og málmbúta.

Auglřsingar

Folk Music Festival
Raddir ═slands
SÝldarminjasafni­
HÚ­insfj÷r­ur

Mynd augnabliksins

img_3166.jpg

Framsetning efnis

moya - Útgáfa 1.13 2009 - Stefna ehf