Háskólanámskeið um íslenska þjóðlagatónlist
Námskeið sem Þjóðlagsetrið á Siglufirði og Stofnun Árna Magnússonar standa fyrir
Umsjónarmaður: Rósa Þorsteinsdóttir rannsóknarlektor
Tími: 7.-11. júlí 2010
Kennslustaður: Kirkjuloftið í Siglufjarðarkirkju.
Forkröfur: Stúdentspróf
Einingar: 2
Námskeiðsgjald: Háskólanemendur greiða ekki námskeiðsgjald en kr. 7000 fyrir aðgang að öllum viðburðum og tónleikum Þjóðlagahátíðar á Siglufirði. Aðrir greiða kr. 20.500 fyrir þátttöku í Akademíunni og aðgang að öllum viðburðum og tónleikum á Þjóðlagahátíðinni. (Öryrkjar, atvinnulausir og 67 ára og eldri greiða einnig kr. 7.000).
Gisting í svefnpokaplássi kr. 8000 fyrir fjórar nætur.
Skráning stúdenta: Sendið netpóst á festival@folkmusik.is og afrit til Rósu á rosat@hi.is
Markmið
Að nemendur
• fái glögga mynd af heimi íslenskra þjóðlaga, þjóðkvæða og þjóðdansa
• þekki sögu þjóðlagasöfnunar á Íslandi
• þekki meginþætti íslenskrar þjóðlagatónlistar
• kynnist erlendri þjóðlagatónlist og greini í hverju sérstaða íslenskra þjóðlaga sé fólgin
Viðfangsefni
Á námskeiðinu verður fjallað um öll helstu svið íslenskrar þjóðtónlistar og þjóðdansa. Þar má nefna tvísöng, rímnalög og bragarhætti, vikivaka og aðra þjóðdansa, barnagælur og þulur, gömlu sálmalögin, þjóðlagaútsetningar og hljóðfærahefð Íslendinga. Fjallað verður um einkenni munnlegrar geymdar og söfnun íslenskra þjóðlaga. Viðfangsefni Akademíunnar tengjast einnig þeim gestafyrirlesurum og listamönnum sem tengjast þjóðlagahátíð hverju sinni.
Vinnulag
Fyrirlestrar og umræður, virk þátttaka í söng og dansi, tónleikar sóttir, ásamt kynningu á þjóðlagasöfnun og þjóðlagasetri sr. Bjarna Þorsteinssonar. Sóknarskylda er á alla fyrirlestra og farið er fram á virka tónleikasókn. Einnig ber nemendum að halda dagbók yfir námið í Akademíunni og tónleikana sem þeir sækja.
Námsmat
Nemendur eru metnir eftir ástundun, virkri þátttöku í umræðum, söng og dansi, dagbók og skriflegri greinargerð um viðfangsefni og viðburði Akademíunnar. Dagbók og greinargerð skal skila til umsjónarmanns fyrir 1. ágúst. Námsmati skal lokið 31. ágúst.
Dagskrá Þjóðlagaakademíunnar 2010
Miðvikudagur 7. júlí
16.00-17.00 Móttaka í Þjóðlagasetri: Kynning á sr. Bjarna Þorsteinssyni og starfi hans. Gunnsteinn Ólafsson, tónlistarmaður
- - - - -
20.00-23.00 Tónleikar á Þjóðlagahátíð
Fimmtudagur 8. júlí
09.00-11.00 Rímnalög og rímur. Bára Grímsdóttir, tónskáld og kvæðakona
11.00-12.00 Munnleg kvæðahefð og söfnun íslenskra þjóðlaga. Rósa Þorsteinsdóttir
- - - - -
13.00-14.00 Íslensk þjóðlög í handritum. Örn Magnússon, tónlistarmaður
14.00-16.00 Íslenskir þjóðdansar og danskvæði. Kolfinna Sigurvinsdóttir, þjóðdansakennari og Rósa Þorsteinsdóttir
- - - - -
20.00-24.00 Tónleikar á Þjóðlagahátíð
Föstudagur 9. júlí
09.00-10.00 Barnagælur og þulur. Rósa Þorsteinsdóttir
10.00-11.00 Tvísöngur. Gunnsteinn Ólafsson
11.00-12.00 Tónlist í Ghana. Dr. Guðrún Ingimundardóttir, tónskáld og tónlistarmannfræðingur
- - - - -
13.00-14.00 Fiðlan sem ásláttarhljóðfæri. Íma Þöll Jónsdóttir, tónlistarmaður
14.00-15:00 Útsetningar á þjóðlögum. Bára Grímsdóttir
15.00-16.00 Íslensk fiðla og langspil. Chris Foster, tónlistarmaður
- - - - -
20.00-24.00 Tónleikar á Þjóðlagahátíð
Laugardagur 10. júlí
10.00-12.30 Íslenskir þjóðdansar og gömlu dansarnir. Kolfinna Sigurvinsdóttir og Hulda Sverrisdóttir
- - - - -
13.30-16.00 Nemendur undirbúa sig fyrir uppskeruhátíðina.
- - - - -
20.30- Uppskeruhátíð: Nemendur koma fram og sýna hvað þeir hafa lært á Þjóðlagaakademíunni.
Sunnudag 5. júlí
14.00-15.30 Tónleikar á Þjóðlagahátíð.
