Þjóðlagaakademía

Þjóðlagaakademían hefur verið starfrækt samhliða Þjóðlagahátíðinni síðan 2007, í samvinnu við HÍ (áður KHÍ). Á akademíunni er fjallað um öll helstu svið íslenskrar þjóðlagatónlistar og þeirra kvæðagreina sem við á. Þar má nefna rímnalög, tvísöng, vikivaka og aðra þjóðdansa, barnagælur og þulur, gömlu sálmalögin, þjóðlagaútsetningar og hljóðfærahefð Íslendinga. Viðfangefni námskeiðsins tengist einnig þeim gestafyrirlesurum og listamönnum sem starfa við þjóðlagahátíð hverju sinni. Umsjónarmaður Þjóðlagakademíunnar er Gunnsteinn Ólafsson.

Markmið
Að nemendur öðlist glögga mynd af heimi íslenskra þjóðlaga, þjóðkvæða og þjóðdansa
     - þekki þjóðlagasöfnun sr, Bjarna Þorsteinssonar og þýðingu hennar fyrir sögu tónlistar á Íslandi.
     - þekki meginþætti og einkenni íslenskrar þjóðlagatónlistar.
     - kynnist erlendri þjóðlagatónlist og greini í hverju sérstaða íslenskrar þjóðlaga sé fólgin.

Vinnulag

Fyrirlestrar og umræður, virk þátttaka í söng og dansi, tónleikar sóttir, ásamt kynningu á þjóðlagasöfnun og þjóðlagasetri sr. Bjarna Þorsteinssonar. Sóknarskylda er á fyrirlestra og málþing og farið er fram á virka tónleikasókn. Ennig ber nemendum að halda dagbók yfir námið á Akdemíunni og tónleikana sem þeir sækja.

Námsmat

Nemendur eru metnir eftir ástundun, virkri þáttöku í umræðum, söng og dansi, dagbók og lokaverkefni um sjálfvalið efni sem tengist viðfangsefnum Akademíunnar. Lokaverkefnið getur verið ritgerð, eða tónsmíð ásamt fræðilegri greinargerð. Lokaverkefnið vinna nemendur í samstarfi við kennara Akademíunnar og skila fyrir 1. ágúst. Námsmati skal lokið 31. ágúst.