Þjóðlagasetur sr. Bjarna Þorsteinssonar

Spilmenn Ríkínís er hópur tónlistarmanna sem hefur leikið og sungið saman í 8 ár. Meginverkefni Spilmanna hefur verið að flytja íslenskan tónlistararf úr handritum og af gömlum sálmabókum sem prentaðar voru á Hólum í Hjaltadal á fyrstu öldum prentlistar á Íslandi. Hljómsveitin leikur á hljóðfæri sem heimildir eru um að hafi verið til hér á landi á þessum tíma.

Á tónleikunum verða flutt lög úr safni Bjarna Þorsteinssonar, útsett af hópnum.

Meðlimir Spilmanna Ríkínís á Þjóðlagahátíð 2013 eru:

Ásta Sigríður Arnardóttir sem syngur og leikur á gígju og symfón
Marta Guðrún Halldórsdóttir sem syngur og leikur á langspil, symfón og hörpu
Sigursveinn Magnússon sem syngur og leikur á symfón og trumbu
Örn Magnússon sem syngur og leikur á symfón, langspil, hörpu og gígju