Tónlistarhópurinn Spilmenn Ríkínís á að baki nokkurra ára sögu. Hann var stofnaður í kringum flutning á íslenskri tónlist frá því um og eftir siðaskipti og til að flytja íslensk þjóðlög. Með flutningi á tónlistinni hafa spilmenn leikið á hljóðfæri þau sem vitað er að voru til hér á landi á þessum tíma, s.s. langspil, harpa, symfón og gýgja.
Á þjóðlagahátíðinni syngja og leika Spilmenn aðallega tónlist úr handritinu Melódía sem er frá því um 1650. Söngin eru lög við veraldlega texta, svo sem ástarljóð, danslög, ballöður, danskvæði og texta tvíræðrar merkingar. Auk þess hljóma tvö íslensk þjóðlög úr safni séra Bjarna Þorsteinssonar, annað sem hann skrifað upp á Siglunesi en hitt á Kvíabekk.
Ríkíní sá sem hópurinn kennir sig við var fyrsti tónlistarkennari sem sögur fara af á Íslandi og var hann kennari við Hólaskóla á tólftu öld. Meðlimir Spilmanna Ríkínís eru þau Ásta Sigríður Arnardóttir, Halldór Bjarki Arnarson, Marta Guðrún Halldórsdóttir og Örn Magnússon.
