Ůjˇ­lagasetur sr. Bjarna Ůorsteinssonar

Suður-Evrópsk og Suður-Amerísk tónlist hefur lengi heillað með seiðandi blæ sínum. Manuel de Falla leitaði í spænskan þjóðlagaarf í verkum sínum, Ravel

SpŠnsk og su­ur-amerÝsk tˇnlist

Suður-Evrópsk og Suður-Amerísk tónlist hefur lengi heillað með seiðandi blæ sínum. Manuel de Falla leitaði í spænskan þjóðlagaarf í verkum sínum, Ravel samdi tónlist í stíl við spænska dansinn Habanera og Astor Piazolla gerði argentínska tangóinn ódauðlegan í tónlist sinni. Þessi tónskáld verða í brennidepli á tónleikum tveggja bráðefnilegra tónlistarmann á Þjóðlagahátíðinni, þeirra Páls Palomares fiðluleikara og Ögmundar Þórs Jóhannessonar gítarleikara.
 
Páll Palomares stundaði fiðlunám hjá foreldrum sínum Unni Pálsdóttur og Joaquin Palomares og síðar við Tónlistarskólann í Kópavogi og við Listaháskóla Íslands hjá Auði Hafsteinsdóttur. Hann lauk í febrúar sl. námi frá tónlistarháskólanum sem kenndur er við Hanns Eisler í Berlín og er nú leiðari 2. fiðlu í Kammersveit Randers-borgar í Danmörku. Páll hefur komið fram sem einleikari með Sinfóníuhljómsveit Íslands og Sinfóníuhljómsveitinni á Alicante á Spáni.
 
Ögmundur Þór Jóhannesson gítarleikari stundaði nám við Tónlistarskóla Kópavogs og síðar í Barcelona og Salzburg. Hann er nú búsettur í Berlín. Ögmundur hefur unnið til margvíslegra verðlauna fyrir gítarleik sinn, þar á meðal í hinni alþjóðlegu Agustin Barrios-gítarkeppni í Lambesc í Suður-Frakklandi.
 
Báðir hafa Páll og Ögmundur haldið tónleika á Íslandi og erlendis og komið fram á virtum tónlistarhátíðum.

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3214.jpg

Framsetning efnis

moya - Útgáfa 1.13 2009 - Stefna ehf