Ůjˇ­lagasetur sr. Bjarna Ůorsteinssonar

  Á tónleikunum verða flutt þjóðlög og verk sem sækja innblástur í íslenskan tónlistararf. Þær Hildur og Júlía útsetja lögin. Þau eru valin með það í huga

S÷ngur og sˇnargaldur

 
Á tónleikunum verða flutt þjóðlög og verk sem sækja innblástur í íslenskan tónlistararf. Þær Hildur og Júlía útsetja lögin. Þau eru valin með það í huga að viðkvæmur og fágætur tónn langspilsins fái notið sín til fulls.


Júlía Traustadóttir hóf söngnám við Tónlistarskólann í Reykjavík árið 2004, fyrst hjá Elísabetu Erlingsdóttur og síðar hjá Hlín Pétursdóttur. Í lok árs 2006 hlaut Júlía inngöngu í Royal College of Music í Lundúnum, þar sem hún hóf söngnám haustið 2007 undir handleiðslu Jennifer Smith. Þaðan útskrifaðist hún sumarið 2011. Á námsárunum í London sótti Júlía meistaranámskeið hjá Patriciu Rozario, Roger Vignoles, Stephen Varcoe og Sally Burgess. Einnig kom hún fram sem einsöngvari í Cambridge, Bath og í útvarpsþætti á BBC Radio 3.


Hildur Heimisdóttir langspilsleikari stundaði sellónám við Tónmenntaskóla Reykjavíkur, Tónlistarskólann í Reykjavík og Listaháskóla Íslands. Kennarar hennar voru Gunnar Kvaran og Sigurgeir Agnarsson. Hildur var einnig um skeið við nám hjá Errki Lahesmaa í Turku í Finnlandi. Að loknu prófi við LHÍ hóf hún nám við Tónlistarháskólann í Árósum í Danmörku hjá Henrik Brendstrup og lauk því árið 2012. Í fyrra vann Hildur keppni um stöðu lærlings við Sinfóníuhljómsveit Álaborgar og nýlega hlaut hún styrk úr Sjóði dansk-íslenskrar samvinnu (FDIS). Undanfarin misseri hefur Hildur snúið sér í auknum mæli að langspilsleik.
 Hún leikur á langspil sem Jón Sigurðsson á Þingeyri smíðaði 2011.

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3020.jpg

Framsetning efnis

moya - Útgáfa 1.13 2009 - Stefna ehf