Sinfóníuhljómsveit unga fólksins

Sinfóníuhljómsveit unga fólksins var stofnuð árið 2004. Hún er skipuð 50-70 hljóðfæranemum á framhaldsstigi úr tónlistarskólum á höfuðborgarsvæðinu og við nám erlendis, 15-25 ára. Einleikarar með hljómsveitinni eru jafnan fengnir úr röðum íslenskra nemenda við nám í erlendum tónlistarháskólum. Hljómsveitin heldur að jafnaði sex til átta tónleika á ári. Hún er sjálfstætt starfandi og þiggur styrki frá ríki og borg auk þess að afla sér tekna með tónleikum. Hljómsveitin hefur gefið ungum hljóðfæraleikurum kost á að kynnast helstu verkum tónbókmenntanna auk þess að frumflytja ný verk íslenskra tónskálda.