Ůjˇ­lagasetur sr. Bjarna Ůorsteinssonar

Oddgeir Kristjánsson alþýðutónskáld frá Vestmannaeyjum hefði orðið 100 ára í ár. Af því tilefni flytja Hafsteinn Þórólfsson söngvari, Jón Gunnar Biering

L÷g Oddgeirs Kristjßnssonar

Oddgeir Kristjánsson alþýðutónskáld frá Vestmannaeyjum hefði orðið 100 ára í ár. Af því tilefni flytja Hafsteinn Þórólfsson söngvari, Jón Gunnar Biering Margeirsson gítarleikari og Ingólfur Magnússon bassaleikari valin lög eftir Oddgeir á Þjóðlagahátíð. Þess má geta að Hafsteinn er langafabarn Oddgeirs.  

Oddgeir Kristjánsson var frumkvöðull í tónlistarlífi Vestmannaeyja. Hann fæddist árið 1911 en lést árið 1966. Hann var upphafsmaður þeirrar hefðar að semja lög fyrir Þjóðhátíð Vestmannaeyja sem hann gerði nánast óslitið frá árunum 1933-1965. Oddgeir samdi einnig lög fyrir leikrit, fjáröflun margskonar og önnur tilefni í Vestmannaeyjum.

Á dagskrá tónleikana verða helstu perlur Oddgeirs fluttar ásamt því að flytja lög sem eru síður þekkt. Einnig verða sungin nokkur lög sem einungis eru til í handritasafni hans og hafa ekki verið flutt, svo vitað sé, eftir andlát tónskáldsins. Í bland við flutninginn verða sagðar sögur af tónskáldinu og tilurð tónsmíðanna.

Jón Gunnar Biering Margeirsson gítarleikari stundaði nám í gítarleik við Tónlistarskóla Álftaness, fyrst undir leiðsögn Steingríms Birgissonar og síðar Þorkels Atlasonar. Jón Gunnar lauk framhaldsstigsprófi vorið 2006. Þá um haustið hóf hann nám við tónlistardeild Listaháskóla Íslands þar sem hann sérhæfði sig í klassískum gítarleik undir leiðsögn Péturs Jónassonar. Þá lauk hann námi í vor í tónsmíðum fyrir kvikmyndir við LHÍ.

Ingólfur Magnússon lauk prófi frá kennaradeild í rafbassaleik frá Tónlistarskóla FÍH og sveinsprófi í rafvirkjun frá FB. Ingólfur lauk í vor námi við LHÍ í tónsmíðum. Hann samdi tónlistina við kvikmyndina Jóhannes ásamt Kristjáni Viðari Haraldssyni árið 2009 auk þess að hafa samið tónlist við fjölmargar stuttmyndir.

Hafsteinn Þórólfsson útskrifaðist í tónsmíðum í vor frá LHÍ. Hann stundaði fyrst nám í klasískum söng við Söngskólann í Reykjavík og Guildhall School of Music & Drama í London auk þess að sækja tíma í popp - og söngleikjasöngtækni hjá Stuart Barr þar í borg. Hafsteinn hóf tónsmíðanám við LHÍ haustið 2008. Af verkum Hafsteins má nefna kórverkið Komdu nú klár, tónlist við stuttmyndina Breki, og tónverkið Prope est dominus sem frumflutt var af Schola cantorum árið 2010.

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

2006_0717image0121_2.jpg

Framsetning efnis

moya - Útgáfa 1.13 2009 - Stefna ehf