Kvæðalög

Kvæðalög eru einnig kölluð stemmur eða rímnalög. Þau eru sungin við stakar vísur, (stökur) eða nokkur erindi og líka lengri kvæði eins og til dæmis rímur. Vísur hafa flestar fjórar línur, sumar þó aðeins þrjár og jafnvel bara tvær. Hver lína hefur ákveðinn fjölda atkvæða og þær ríma hver við aðra í endann. Vísurnar eru ortar undir bragarháttum allt eftir atkvæðafjölda og rími. Algengust er ferskeytla en aðrir bragarhættir eru t.d. samhenda, skammhenda, braghenda, draghenda og afhenda.