Komdu nú að kveðast á

Íslendingar hafa um aldaraðir kveðist á við börn sín og kennt þeim vísur. Rósa og Helgi hafa haldið þessari gömlu hefð við lýði. Þau ætla að bregða á leik í Þjóðlagasetrinu og kveða með börnum sínum frumsamdar vísur eftir Helga við kvæðalög sem þau hafa lært í Kvæðamannafélaginu Iðunni. Aldrei er að vita nema áheyrendur fái að taka þátt í kveðskapnum og bregða á leik með fjölskyldunni. Börnin sem kveða eru Iðunn Helga 9 ára, Gréta Petrína 6 ára og Jóhannes Jökull 3ja ára.