Jóhann Nardeau

Jóhann Már Nardeau trompetleikari er fæddur árið 1987. Hann ólst upp í Skólahljómsveit Kópavogs og lauk námi við Tónlistarskólann í Reykjavík aðeins 18 ára að aldri. Jóhann stundar nú framhaldsnám við Konservatoríið í París, einn frægasta tónlistarháskóla veraldar. Hann hefur unnið til verðlauna í alþjóðlegum keppnum og komið fram á tónleikum með Sinfóníuhljómsveit Íslands og Sinfóníuhljómsveit unga fólksins auk þess að leika með hljómsveitum erlendis.