Ůjˇ­lagasetur sr. Bjarna Ůorsteinssonar

Hljómsveitin Hjaltalín var stofnuð í  Menntaskólanum við Hamrahlíð haustið 2004 í tengslum við lagasmíðakeppni nemendafélagsins, Óðrík algaula. Hjaltalín

HjaltalÝn

Hljómsveitin Hjaltalín var stofnuð í  Menntaskólanum við Hamrahlíð haustið 2004 í tengslum við lagasmíðakeppni nemendafélagsins, Óðrík algaula. Hjaltalín fékkst við margvíslega tónlist framan af og gekk í gegnum þó nokkrar mannabreytingar. Um haustið 2006 kom hljómsveitin fram á Iceland Airwaves-hátíðinni og fékk þá til liðs við sig söngkonuna Sigríði Thorlacius og var þá hljómsveitin fullskipuð. Eftir að lagið Goodbye July / Margt að ugga hlaut óvænta athygli á öldum ljósvakans fór hljómsveitin inn í hljóðver og tók upp frumburð sinn, plötuna Sleepdrunk Seasons. Platan kom út síðla árs 2007 og hlaut góðar undirtektir gagnrýnenda og hlustenda. Sveitin var valin bjartasta vonin á Íslensku tónlistarverðlaununum árið 2008 og Högni útnefndur lagahöfundur ársins. Sumarið 2008 tók hljómsveitin upp tökulagið Þú komst við hjartað í mér, sem komið hafði út á plötu Páls Óskars þá um jólin. Lagið varð geysivinsælt á stuttum tíma og varð þegar upp var staðið vinsælasta lag ársins 2008.

Á sama tíma var hljómsveitin farin að þreifa fyrir sér erlendis. Næsta ár fór að miklu leyti í tónleikaferðir erlendis en um mitt ár 2009 hófst sveitin handa við upptökur á annarri breiðskífu sinni sem hlaut að lokum nafnið Terminal og kom út fyrir jólin 2009. Að þeirri plötu standa núverandi meðlimir Hjaltalín, þau Högni, Guðmundur, Axel, Hjörtur, Viktor, Rebekka og Sigríður. Terminal hlaut góðar viðtökur, fékk frábæra dóma og hlaut Íslensku tónlistarverðlaunin sem plata ársins auk þess sem Sigríður var útnefnd rödd ársins.

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3033.jpg

Framsetning efnis

moya - Útgáfa 1.13 2009 - Stefna ehf