Heiðanna ró

Björn Thoroddsen leiðir hér tríó sitt ásamt Andreu Gylfadóttur söngkonu í mörgum af fallegustu sönglögum síðustu aldar. Lögin hafa fylgt íslensku þjóðinni í áratugi, yfirfull af vor-, sumar- og sveitarómantík og hafa fyrir löngu fest sig í sessi hér á landi, hvort sem þau eru íslensk eða ekki. Heyra má lög eins og Fram í heiðanna ró, Vorvindar glaðir, Út um græna grundu, Hvað er svo glatt, Ó fögur er vor fósturjörð, Heiðlóukvæði, Blátt lítið blóm eitt er, Sveitin milli sanda, Hlíðin mín fríða og fleiri lög mætti nefna.