Gömlu dansarnir

Á 19. öld fóru að berast hingað ýmsir menningarstraumar frá Skandinavíu og Norður - Evrópu, bæði í tónlist og dansi. Fólk fór að leika á gítar, orgel, fiðlu og harmonikku og þá var kominn grundvöllur fyrir að leika danstónlist. Á síldarárunum kom hingað margt fólk frá Norðurlöndunum, aðallega Noregi, til að vinna í síld og kenndu Íslendingum að dansa valsa, polka og fleiri slíka dansa. Á þeim tíma voru þessir dansar nýir hér en eru núna kallaðir gömlu dansarnir og voru valsarnir vinsælir. Oft var slegið upp balli á bryggjunni og sungið um ástir, síldina og gleðina sem henni fylgdi.