Ůjˇ­lagasetur sr. Bjarna Ůorsteinssonar

Á þessu námskeiði munum við læra keltneskar og Klezmer laglínur eftir eyranu, og hvernig hægt er að búa til skemmtileg og lífleg undirspil með einföldum

Fi­lan Ý ■jˇ­lagatˇnlist

Á þessu námskeiði munum við læra keltneskar og Klezmer laglínur eftir eyranu, og hvernig hægt er að búa til skemmtileg og lífleg undirspil með einföldum hljómagangi og ásláttartækni. 

Nútíma keltnesk tónlist hefur ekki heyrst mikið á Íslandi, en hefur verið afar vinsæl í Norður Ameríku, Bretlandi, og víðar í Evrópu. Vinsældirnar hafa aukist til muna síðustu árin með tilkomu ungra og frábærra fiðlara sem hefur tekist að færa þessa gömlu tónlistarhefð inn í nútímann með notkun svonefndrar “chop” tækni, eða ásláttartækni.  Til að sjá og heyra þessa tækni mæli ég með þessari slóð á YouTube, www.youtube.com/watch?v=ZLc-PT9H1nE, þar sem hinn snjalli fiðlari Casey Driessen fer á kostum. Þarna notar hann ásláttartækni í blúgrass lagi, en það sem er einmitt svo skemmtilegt við þessa tækni er að hana má nota í nánast hvaða stíl sem hægt er að hugsa sér, frá poppi yfir í þjóðlega tónlist. 

Í byrjun námskeiðsins munum við læra keltneskt lag, með öllu tilheyrandi, svosem bogastrokum, skrauti og áherslum. Því næst verður hljómagangurinn ræddur, en í flestum tilvikum eru keltnesk lög afar einföld í hljómagangi og því mjög ákjósanleg fyrir þá sem eru að gera þetta í fyrsta sinn.  Eftir að hljómagangurinn hefur verið æfður með einföldum tvígripum og ryþmum, verður áslættinum með tilheyrandi “grúvi” bætt við.  Ef tími gefst til munum við bæta við fleiri lögum, t.d. Klezmer lögum, og sýnt verður hvernig nota má einfalt undirspil til að gæða þessi skemmtilegu lög lífi. 

 Þetta námskeið er opið bæði nemendum og kennurum, og allir ættu að geta lært eitthvað nýtt og spennandi sem nýtast má til náms og kennslu. Ekki ætti að skipta miklu máli þó nemendur séu á mismunandi stigi í hljóðfæraleik þar sem auðveldlega er hægt að laga erfiðleikastig að hverjum og einum spilara.  Til að auðvelda námið get ég sent upptökur af lögunum sem lærð verða til allra þáttakenda, en þá legg ég áherslu á að lögin séu sungin fyrst áður en nokkuð annað gerist, þ.e. áður en þau eru spiluð á hljóðfærið.

Kennari: Íma Þöll Jónsdóttir ima@learningviolin.com

Íma Þöll Jónsdóttir starfar sem fiðluleikari og kennari í Boston í Bandaríkjunum, þar sem hún hefur verið búsett í 15 ár.  í Boston spilar Íma með tónlistarhópnum Andromeda4, en með þeim hefur hún komið víða fram, gefið út tvo geisladiska, starfað fyrir American Repertory Theater, og árið 2006 vann Andromeda4 til fyrstu verðlauna í “world-fusion” flokki Independent Music Awards.  Andromeda4 hefur komið tvisvar til Íslands til tónleikahalds, síðast árið 2007 þegar þau spiluðu á opnunartónleikum Þjóðlagahátíðarinnar á Siglufirði, og kenndu þar einnig Klezmer tónlist.

Íma hefur einnig starfað með Sinfóníuhljómsveit Íslands, Know Trio, The Klezmer Conservatory Band, Rússíbönunum, Mark Dresser, og Björk.  Síðan  1997 hefur Íma starfað sem einkakennari á fiðlu í Boston og nágrenni,  og kennir þar nemendum á öllum aldri að spila klassíska, keltneska, og Klezmer tónlist. 

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3283.jpg

Framsetning efnis

moya - Útgáfa 1.13 2009 - Stefna ehf