Ůjˇ­lagasetur sr. Bjarna Ůorsteinssonar

Duo Scandinavica er skipað afkomendum norrænna manna í Vesturheimi, þeim Lori Ann Reinhall og Jim Nelson. Markmið þeirra er að varðveita tónlist norrænna

Duo Scandinavica

Duo Scandinavica er skipað afkomendum norrænna manna í Vesturheimi, þeim Lori Ann Reinhall og Jim Nelson. Markmið þeirra er að varðveita tónlist norrænna Vesturfara og kynna hana fyrir Bandaríkjamönnum. Flest lögin sem dúóið leikur eru frá þeim tíma þegar Vesturferðir stóðu sem hæst, eða á árunum 1840-1920. Þá leika þau einnig norræna tónlist sem samin hefur verið í Bandaríkjunum og nýrri norræn lög sem Vesturfarar hafa bundið ástfóstri við frá „föðurlandinu“. Þau syngja lögin ýmist á norsku eða sænsku en stundum einnig í enskum þýðingum.

 

Jim Nelson ólst upp í Miðvesturríkjum Bandaríkjanna meðal norskra innflytjenda. Hann stundaði nám við háskólann í Wisconsin og lék þar á harmóniku á dansleikjum þar sem „gömlu dansarnir“ voru stignir. Hann lék og söng í fyrsta sinn opinberlega norræna þjóðlagatónlist við háskólann í Washington árið 1979. Jim hefur verið aðstoðarprófessor í norrænum fræðum við háskólana í Alberta og Minnesota og auk þess kennt við Oslóarháskóla. Hann býr nú í Drammen í Noregi.

 

Lori Ann Reinhall er fædd og uppalin í Seattle og af sænsku bergi brotin. Hún lagði stund á norræn tungumál og bókmenntir við háskólann í Washington. Á námsárunum hóf hún samstarf sitt við Jim Nelson á tónlistarsviðinu. Hún nam söng og píanóleik í Svíþjóð, starfaði um skeið í Vínarborg og hélt síðan áfram námi við tónlistarháskólann í Milwaukee. Hún er nú á kafi í hugbúnaðarframleiðslu þar sem tungumálaþekking hennar og reynsla hennar austan hafs og vestan fá notið sín.

 

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3048.jpg

Framsetning efnis

moya - Útgáfa 1.13 2009 - Stefna ehf