Ůjˇ­lagasetur sr. Bjarna Ůorsteinssonar

Duo Harpverk var stofnað árið 2007 af hörpuleikaranum Katie Buckley og slagverksleikaranum Frank Aarnink. Markmið dúósins er að panta og flytja tónlist

Duo Harpverk

Duo Harpverk var stofnað árið 2007 af hörpuleikaranum Katie Buckley og slagverksleikaranum Frank Aarnink. Markmið dúósins er að panta og flytja tónlist fyrir hörpu og slagverk. Frá upphafi hafa þau pantað um 20 verk eftir tónskáld frá Íslandi, Danmörku, Englandi, Ástralíu og Bandaríkjunum. Þótt þau hafi flutt mörg verk reyndra tónskálda hefur dúettinn lagt áherslu á að leika tónlist ungra, íslenskra tónskálda. Harpverk hefur leikið m.a. á Myrkum Músíkdögum, Iceland Airwaves hátíðinni, með kammersveitinni Ísafold, á Kirkjulistahátið, á Ung Nordisk Musik og á 15:15 tónleikaröðinni í Norræna húsinu.

Efnisskrá 

Erla Axelsdóttir                                                     Nýtt verk frumflutt
Elín Gunnlaugsdóttir                                            Nýtt verk frumflutt
Oliver Kentish                                                        Leyndir dansar
Jónas Tómasson                                                    Ballett 5 (frumflutningur)
Gerard Neurink                                                     Þrjár týndar síður úr Eddu (bls. 2 og 3)
Peter Bjuhr                                                             Strings, Skins and Wood
 

Katie Buckley er bandarísk og hóf nám í hörpuleik 8 ára gömul. Hún lauk prófi frá Eastman School of Music í Rochester í New York-fylki og upp frá því hefur hún komið fram sem einleikari með mörgum hljómsveitum, þ.á.m. The Eastman Chamber Orchestra og Rochester Philharmonic Orchestra. Árið 2004 tók Katie við stöðu hörpuleikara við Brevard Music Festival í Brevard, Norður-Karólínu-fylki en árið 2005 var hún ráðin hörpuleikari við Sinfóníuhljómsveit Íslands. Katie var meðlimur í The World Philharmonic Orchestra í París 2006.

Frank Aarnink er Hollendingur að uppruna. Hann stundaði nám í Hilversum og Amsterdam og að loknu námi tók hann að leika með mörgum sinfóníuhljómsveitum í heimalandi sínu. Einnig var hann viðriðinn margvíslegar óperu- og söngleikjauppfærslur. Frá árinu 2001 hefur Frank verið fastráðinn sem slagverks- og pákuleikari við Sinfóníuhljómsveit Íslands og verið virkur í tónlistarlífi hér á landi.

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

2006_0717image0121_2.jpg

Framsetning efnis

moya - Útgáfa 1.13 2009 - Stefna ehf