Ůjˇ­lagasetur sr. Bjarna Ůorsteinssonar

Mörgum sögum fer af kvennabósanum Don Giovanni. Í óperu Mozarts um flagarakertið kemur hann fram sem trúbador. Þess vegna ákvað Sinfóníuhljómsveit unga

Don Giovanni

Mörgum sögum fer af kvennabósanum Don Giovanni. Í óperu Mozarts um flagarakertið kemur hann fram sem trúbador. Þess vegna ákvað Sinfóníuhljómsveit unga fólksins að takast á við óperuna í íslenskri þýðingu Gunnsteins Ólafssonar. Óperan verður ekki sviðsett en sögumaður upplýsir áheyrendur um gang mála. Háskólakórinn tekur þátt í flutningnum og átta einsöngvarar. Tónleikarnir verða endurteknir í Eldborgarsal Hörpu þriðjudaginn 10. júlí 2012 kl. 20.00.

Söguþráður

Kvennabósinn Don Giovanni ryðst grímuklæddur inn á heimili Donnu Önnu til þess að eiga með henni ástarfund. Þjónn hans Leporello bíður í nepjunni úti á meðan. Donna Anna hrópar á hjálp og þegar faðir hennar kemur hlaupandi bregst Don Giovanni ókvæða við og rekur karlinn á hol. Donna Anna heitir því að hafa uppi á morðingja föður síns. Hún fær unnusta sinn, Don Ottavíó, í lið með sér og Donnu Elvíru, fyrrum ástkonu Don Giovannis. Don Giovanni er stöðugt á flótta en notar þó hvert tækifæri til þess að ná sér í kvenmann. Hann býður Zerlínu, ungri sveitastúlku, í veislu til sín og kærir sig kollóttan þótt unnusti hennar, Masetto, komi með henni. Leporello reynir að minnka stórmennskubrjálæði húsbónda síns en allt kemur fyrir ekki. Þeir félagar felast við leiði föður Donnu Önnu sem Don Giovanni myrti í upphafi óperunnar. Flagarinn hæðist að karlinum dauðum og býður honum til veislu til sín um kvöldið. Don Giovanni til mikillar undrunar (og Leporello til skelfingar) birtist sá gamli í veislunni um kvöldið og heimtar að Don Giovanni iðrist synda sinna. Don Giovanni lætur ekki segjast og mætir þar með örlögum sínum.

Don Giovanni, flagari og ótukt: Fjölnir Ólafsson

Leporello, aumur þjónn hans: Bragi Jónsson

Donna Anna, yngismey: Valdís Gregory

Don Ottavio, ástmaður hennar: Þorsteinn Freyr Sigurðsson

Donna Elvira, fyrrum kærasta D.G.: Lilja Guðmundsdóttir

Masetto, sveitapiltur: Steinþór Jasonarson

Zerlina, unnusta hans: Rannveig Káradóttir

Faðir Donnu Önnu og sögumaður: Bjarni Thor Kristinsson óperusöngvari



Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3040.jpg

Framsetning efnis

moya - Útgáfa 1.13 2009 - Stefna ehf