Dansar og leikir

Íslendingum þótti einu sinni gaman að dansa vikivaka. Það var hringdans þar sem forsöngvari leiddi sönginn en hinir tóku undir í viðlaginu. Kvæðin voru oft mjög löng og fjölluðu um ástir og örlög, konungsborið fólk, álfa og huldufólk. Kom fólk oft víða að til að dansa saman, jafnvel í kirkjum því ekki voru til félagsheimili eða önnur stór húsakynni á þeim tíma. Víkivaki var vinsæll á 17. og 18. öld þangað til biskupar og prestar stöðvuðu slíkar skemmtanir.