Ůjˇ­lagasetur sr. Bjarna Ůorsteinssonar

Gunnar Karel Másson (1984) lauk árið 2010 B.A. námi í tónsmíðum við Listaháskóla Íslands og stundar nú framhaldsnám Konunglega tónlistarháskólann í

Carmen, je t'aime!

Gunnar Karel Másson (1984) lauk árið 2010 B.A. námi í tónsmíðum við Listaháskóla Íslands og stundar nú framhaldsnám Konunglega tónlistarháskólann í Kaupmannahöfn. „Lancharan er verk þar sem teflt er fram andstæðum í tónsköpun sem leita að samhljómi. Annars vegar er tónefni sem minnir á gamelan-tónlist frá Balí (sem sköpuð er með reikniformúlum). Hins vegar er tónlist sem á sér einungis uppruna í abstraktmeðhöndlun á Fibonacci-röðinni svokölluðu (1, 1, 2, 3, 5, 8, 13 o.s.frv.). Þegar þetta tvennt rennur saman ætti að hljóma nokkurs konar óður til mannsekjunnar á huglægum grundvelli.“

Hróðmar I. Sigurbjörnsson (1958) stundaði tónsmíðanám í Tónlistarskólanum í Reykjavík og við Tónlistarháskólann í Utrecht. Meðal helstu verka hans eru Ljóðasinfónía, Máríuvísur, Stokkseyri, Skálholtsmessa, Sinfónía, óperan Söngvar haustsins og píanókonsertinn Orustan við Vínu. Básúnukonsert - Nokkrar danssenur fyrir básúnu og hljómsveit var saminn í vor fyrir Ara Hróðmarsson og Ungfóníu. „Þegar kom að því að semja þennan konsert var ekki laust við að mér féllust hendur - búinn að fylgjast með básúnuferli drengsins frá 8 ára aldri í Tónlistarskólanum á Akureyri í gegnum námið í Tónskóla Sigursveins, lúðrasveitunum, Lindbergmaníunni og svo árunum í Amsterdam með nýjum tónlistarlegum áherslum sem kristölluðust í tónlistarhátíðinni Icelandic Music Days – ég vissi hreinlega ekki hvar ég ætti að byrja. Smátt og smátt varð þó hugmyndin til að nokkrum senum í mismunandi stílum sem endurspegla á einhvern hátt feril ungs tónlistarmanns; leitinni, efanum, en vissunni þó um að tónlistin sé það sem mestu máli skiptir.“

Franska tónskáldið Georges Bizet (1838-1875) samdi óperuna Carmen skömmu fyrir andlát sitt eða árið 1875. Hún fjallar um blóðheita spænska sígaunastelpu sem táldregur hermenn svo þeir svíkjast undan merkjum, stundar smygl og dansar og syngur á krám, óperugestum í París þá til mikillar hneysklunar. Til þess að bæta gráu ofan á svart var Carmen myrt af fyrrverandi elskhuga sínum í lok óperunnar. Verkið hlaut dræmar undirtektir heima fyrir en þegar hún var frumsýnd í Vínarborg hófst frægðarganga Carmenar um allan heim sem sést ekki fyrir endann á.

Tónlistin í Carmen er í anda spænskra þjóðdansa. Aragonaise er dans frá héraðinu Aragon á Spáni, svokallaður jota í þrískiptum takti, habanera er kúbanskur dans sem naut mikilla vinsælda á Spáni, seguidilla er gamall þjóðdans frá Kastillu í þrískiptum takti og oftast í dúr. Söngvar nautabanans, varðliðamarsinn, sígaunadansinn, smyglakórinn og mars fótgönguliðanna frá Alcala bera ótvírætt yfirbragð spænskrar þjóðlagatónlistar og „sviðsetja“ óperuna svo ekki verður um villst í Sevilla, hjarta Andalúsíu.

Ari Hróðmarsson lauk framhaldsprófi í básúnuleik frá Tónskóla Sigursveins og hélt síðan til framhaldsnáms við Tónlistarháskólann í Amsterdam hjá Ivan Meylemans, fyrrum fyrsta básúnuleikara við Royal Concertgebouw Orchestra, þaðan sem hann lauk BA-prófi árið 2010. Á námsárunum stóð Ari fyrir íslenskri tónlistarhátíð í Amesterdam sem hann nefndi Icelandic Music Days. Ari er meðlimur í Kammersveitinni Ísafold og einn af stofnendum Sinfóníuhljómsveitar unga fólksins. Hann hefur sótt námskeið hjá mörgum helstu básúnuleikurum samtímans, þar á meðal hjá Christian Lindberg, Jörgen van Rijen, Charlie Vernon og Michel Bequet. Þá hefur Ari fengist við hljómsveitarstjórn.

Sinfóníuhljómsveit unga fólksins, Ungfónía, var stofnuð haustið 2004. Hljómsveitin er skipuð nemendum úr tónlistarskólum af höfuðborgarsvæðinu og við tónlistarháskóla erlendis á aldrinum 13-25 ára. Einleikarar með hljómsveitinni eru jafnan nemendur að ljúka framhaldsnámi erlendis eða eru nýkomnir heim frá námi. Hljómsveitin hefur tekist á við þrjú til fjögur verkefni á ári og haldið tónleika víða um land. Sinfóníuhljómsveit unga fólksins er styrkt af Tónlistarsjóði Mennta- og menningarmálaráðuneytisins, Reykjavíkurborg og Kópavogsbæ. Tónlistarskólinn í Reykjavík og Tónlistarskóli FÍH veittu hljómsveitinni aðgang að aðstöðu sinni eða lánuðu henni hljóðfæri vegna þessara tónleika. Þeim er þakkað fyrir ómetanlegan stuðning.

 Gunnsteinn Ólafsson (1962) er stjórnandi Sinfóníuhljómsveitar unga fólksins og Háskólakórsins, listrænn stjórnandi Þjóðlagahátíðar og aðal hvatamaður að uppbyggingu Þjóðlagaseturs sr. Bjarna Þorsteinssonar á Siglufirði. 

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

mogil.jpg

Framsetning efnis

moya - Útgáfa 1.13 2009 - Stefna ehf