Ůjˇ­lagasetur sr. Bjarna Ůorsteinssonar

  Kennari: Borislav Zgurovski harmónikuleikari, Búlgaríu Hvergi í veröldinni er önnur eins harmónikumenning eins og í Búlgaríu. Þjóðlagatónlistin

B˙lg÷rsk ■jˇ­lagatˇnlist ß harmˇniku


 
Kennari: Borislav Zgurovski harmónikuleikari, Búlgaríu

Hvergi í veröldinni er önnur eins harmónikumenning eins og í Búlgaríu. Þjóðlagatónlistin þar er alveg einstök og harmónikan í aðalhlutverki. Það er því einstakt lán fyrir íslenska harmónikuunnendur að kynnast Borislav Zgurovsky á Þjóðlagahátíðinni á Siglufirði.

Námskeiðið sem hann heldur er ætlað þeim sem vilja kynnast nánar búlgarskri þjóðlagatónlist. Borislav hefur um langt skeið sett saman lagasöfn, þar hann skeytir saman upprunanlegum lögum búlgarskra meistara á borð við Boris Karlov,Todor Prashtakov, Veni Petkov og Traicho Sinapov sem og eftir núlifandi snillinga á borð við Peter Ralchev og Ivan Milev. Þá hefur hann safnað þjóðlögum úr fórum sígauna og Makedóníumanna. Hann leggur til að nemendur hlusti á lögin og velji sér viðfangsefni. Hann hefur tekið lögin upp á myndband þar sem hann leikur þau svo hægt að auðvelt er að fylgjast með fingrasetningum og hvernig skraut er útfært. Sérstakt myndband er fyrir skreytingar í búlgarskri, makedónskri og sígaunatónlist. Kaupi nemendur myndband fá þeir einnig nótur að viðkomandi lagi. Hann telur að þarna megi finna áður ókunnar lausnir og því ætti ekkert að geta komið í veg fyrir að námið í búlgarskri þjóðlagatónlist á harmóniku geti orðið gefandi og ánægjulegt.

Borislav Zgurovski er fæddur árið 1969 í Búlgaríu. Hann byrjaði sjö ára gamall að læra á harmóniku og síðan á flautuna kaval sem er þjóðlegt búlgarskt hljóðfæri. Hann lauk meistaragráðu frá Listaháskólanum í Plovdiv í harmónikuleik og hefur síðan verið mjög atkvæðamikill á tónlistarsviðinu.  Þessi harmónikusnillingur hefur starfað með mörgum þekktum búlgörskum og alþjóðlega virtum tónlistarmönnum, auk þess að vera atkvæðamikill kennari. Hann er frábær fulltrúi búlgarskrar tónlistar og mjög eftirsóttur harmónikuleikari.

 http://www.bgaccordion.com/

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

img_3021.jpg

Framsetning efnis

moya - Útgáfa 1.13 2009 - Stefna ehf