Ůjˇ­lagasetur sr. Bjarna Ůorsteinssonar

Bluegrass-tónlist er bandarísk þjóðlagatónlist, upphaflega frá Appalachia-fjöllum. Hún á rætur sínar að rekja til Bretlandseyja, jafnt til skoskra,

Brother Grass

Bluegrass-tónlist er bandarísk þjóðlagatónlist, upphaflega frá Appalachia-fjöllum. Hún á rætur sínar að rekja til Bretlandseyja, jafnt til skoskra, enskra, waleskra og írskra innflytjenda. Þeir komust í kynni við tónlist af afrískum uppruna vestra, einkum djasstónlist, og við það tók tónlist bresku innflytjendanna breytingum. Í breskri þjóðlagatónlist var hefðin sú að öll hljóðfærin léku laglínuna samtímis eða aðeins eitt meðan hin hljóðfærin léku undir. Í bluegrass-tónlist fá öll hljóðfærin í sveitinni að njóta sín. Hún einkennist af hröðu tempói, mikilli fingrafimi og oft á tímum flóknum hljómskiptum. Bluegrass-hljómsveitir eru jafnan skipaðar mismunandi strengjahljóðfærum á borð við fiðlu, fimmstrengja banjó, gítar, mandólín og kontrabassa, en þar gefur oft einnig að heyra harmóniku. Söngurinn er iðulega þriggja radda þar sem miðröddin syngur laglínuna en hinar radda á móti.

Hljómsveitin Brother Grass var stofnuð síðla sumars 2010 þegar Hildur, Sandra, Soffía og Ösp ákváðu að halda saman bluegrass-tónleika. Þær fengu til liðs við sig gítarleikarann Örn Eldjárn, bróður Aspar. Hafa þau tínt til ýmis bluegrass- og suðurríkjalög og útsett í eigin stíl, þar sem þvottabali, gyðingaharpa og víbraslappi koma meðal annars við sögu.

 

Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

dx-1a.jpg

Framsetning efnis

moya - Útgáfa 1.13 2009 - Stefna ehf