Kenndur verður fjölbreyttur dans Ewe-þjóðflokksins í Ghana sem nefnist Gahu. Dansinn kallar á hreyfingar og stellingar sem okkur kunna að
þykja einkennilegar og krefst þess að dansararnir sökkvi sér ofan í flókinn taktvef ásláttarhljóðfæraanna. Dansinn
er í mörgum köflum og verða kenndir eins margir kaflar og nemendur komast yfir og hafa þrek til að læra. Einnig verða kennd nokkur sönglög sem
tengjast dansinum því söngurinn og dansinn eru órjúfanleg heild. Hér má sjá
stutt myndband með grunnsporunum tveimur og vefaraspori dansins.
Guðrún Ingimundardóttir er tónskáld og tónlistarmannfræðingur. Hún stundaði nám í tónsmiðum við Tónlistarskólann í Reykjavík og lauk síðan doktorsprófi frá háskólanum í Arizona í Bandaríkjunum í tónsmíðum og tónlistarmannfræði. Hún er nú búsett á Siglufirði og starfar fyrir Þjóðlagasetur sr. Bjarna Þorsteinssonar.
