Ůjˇ­lagasetur sr. Bjarna Ůorsteinssonar

Kvæðamannamót 3. mars ÞjóðList og Kvæðamannafélagið Ríma í Fjallabyggð standa fyrir kvæðamannamóti laugardaginn 3. mars, í samstarfi við kvæðamannafélagið

KvŠ­amannamˇt 3. mars

ÞjóðList og Kvæðamannafélagið Ríma í Fjallabyggð standa fyrir kvæðamannamóti laugardaginn 3. mars, í samstarfi við kvæðamannafélagið Gefjunni á Akureyri og með stuðningi Menningarráðs Eyþings og Þjóðlagseturs.  Það eru starfandi kvæðamannafélög víða um land, fámenn og einangruð, en aðstandendur mótsins hafa fulla trú á því að ef við tökum höndum saman þá verður það til þess að efla þessa hverfandi þjóðarhefð.

Á mótinu verður þriggja klst. námskeið (2x1,5 klst) sem Bára Grímsdóttir kvæðakona sér um. Hún mun kenna okkur hefbundin kvæðalög og flutningsmáta þeirra, ásamt ýmsu öðru sem við kemur kvæðamennskunni.

Bára og maður henna Chris Foster, sem er virtur enskur þjóðlagasöngvari, eru með þjóðlagadúettinn Funaog koma beint frá því að taka þátt í þjóðtónlistarhátíð í Sviss.  Þau munu halda stutta tónleika laugardaginn 3. mars kl. 16:30 á Kaffi Rauðku, þar sem við fáum að heyra nokkuð af því efni sem þau fluttu í Sviss.

Hápunktur mótsins verður síðan kvöldvaka með glæsilegum kvöldverði á Kaffi Rauðku, þar sem kvæðamenn stíga á stokk, og gömludansaball í lokin. 

Dagskrá kvæðamannamótsins er nú tilbúin.

11:00  -  Gestir boðnir velkomnir

11:30  -  Námskeið

13:00  -  Hádegisverður*

14:00  -  Námskeið

15:30  -  Miðdegiskaffi

16:30  -  Tónleikar með Báru og Chris

17:15  -  Hvíld fyrir kvöldvöku

18:30  -  Kvöldverður** og kvöldvaka

Pakkaverð (Námskeið, tónleikar, hádegisverður, miðdegiskaffi og kvöldverður): 7.700,-

Verð á staka viðburði:

Námskeið: 2.500,-

Tónleikar: 1.500,-

Hádegisverður: 1.490,-

Kvöldverður með kvöldvöku: 4.290,-

Gisting:  5.000,-/mann ein nótt með morgunverði á Gistiheimilinu Hvanneyri

Nauðsynlegt er að skrá sig eigi síðar en 27. febrúar með því að senda netpóst á Rúnu hjá Kvæðamannafélaginu Rímu í Fjallabyggð (runaingi@simnet.is - 869-3398)

Síðasti skráningardagur er mánudagurinn 27. febrúar!

* Hádegisverður: Pönnusteikt ýsa með kartöflum og tartarsósu.

** Kvöldverður: Aðalréttir: Glóðað lambalæri með villisveppasósu og pönnusteiktur saltfiskur að hætti spánverja með tómat concassé. Meðlæti: Steikt grænmetisblanda, kartöflugratín, ferskt salat, nýbakað brauð og smjör. Eftirréttur: Volg súkkulaðikaka með vanilluís og mjólkursúkkulaðifroðu. 



Auglřsingar

Raddir ═slands
Folk Music Festival
SÝldarminjasafni­
HÚ­insfj÷r­ur

Mynd augnabliksins

unni4.jpg

Framsetning efnis

moya - Útgáfa 1.13 2009 - Stefna ehf